ماهقيت ان الشتـــا ؛ في داخلـــــه دافي حنــون
لين جربته ؛ صقيع احسـاسك البـــارد ؛ بي هَــل!
ماهقيت القلـــب يـوفي ؛ ماهقيـــت العقل يخون !
ماهقيــــــت اني م بين .. هــاذي وتلك انخبـــل !
ماهقيـــت احساس خبّيتـه ؛ يخيّــــب بي ظنــون
طفــــل ربّيــــته .. حبّيـــــته .. كبّرتـــــه و فَـــل !!
وابتدت رحلة عتيم ؛ بدرب مــــدري وش يكــٰون !
الخطا ولّد خطــا .. والصــــح مدري لــــيه ذِبل !
وفجأة بس لقيت نفسي وسط عجئة ( في سكون )
ناس حولي ؛ وما احس النّاس شافت عقلي زَل
ماهقيت ان الجـــنون ؛ يولّد أفكـار الــ جنون !!
فار قلبي ؛ احترق ؛ دخّانه فـ صــــدري نــزل !
وشرف بـ ليلي السّهر ؛ يوم العرب به يهجعون
ونامت عيونـك على فرقاي ؛ بعد مَ القلب مَــــل
رحـت عنّه ؛ يــــــوم انّه .. منّه أَنـــهار العـــــيون
إِنهارت بـ وادي ظــلام ؛ اجتاحني لحظة زعـــل !
طفلتي ؛ ليـــتك تريّثتي قبل كل شـــي يــهون
ليتك رويتـــي هالضمـــا قبل ما ( لنــدن ) تِبِل
ليتك قبل ارحل قتلتــي افكار جَتني ؛ يقتـــلون !
ليتك ” نعَشتي “ مابقى من آخر انفاس الأمل !
ليتك كسرتي شفاه كانت لـ بكانا ؛ يضحكون !
ليتك تشبّثتــــــي بـيدي ؛ قبل لا يرخى الحبــل
ليتك قريتــي ثُم رقيتينــا .. قبل لا يــــحسدون
ليتك علي سمّيتي يوم ان العقل صابــه شــلل
ليتك رويتي ( اهتمام ) ؛ ماتت من اهمالك غصون
ليتك خذيتــي بخاطر اللي كثير في هالقــلب شَل
ليتك ... وليتــك اآه لا تنفع ولاهـــم يحزنــــون !
لا زال يرددها ؛ فمٍ .. ما غير ريقك له عســـــل
” اعشقـــك عشق المظاليـــم لفراق السجــــون “
من قالهـــا حامـد ؛ وانـــــا ردّدتها بـــلا كـــلل
ما دريت السجـن في بُعدك و في قُربـــك ؛ يكون
هو كذا والا كــــذا ؛ ذكرك أَسَـــر هــذا الرّجُـــل !
ولا زلت انا ذاك الوسيــــم اللي يحبّك للجنـــون !
باع فرحة خاطـــره .. لبس له قنــــاع الـعقــــل !
و خدعتك وظنّيتــــي انه داس قلبه في غضــون!
ايام مرّت مسرعة ؛ وصدّقتـــــي الكذبه بـ عجل !
كنتي اسرع في رحيـــلك .. من قطـــاراتٍ يجـون
للمدينــة اللي حتــــى ” ضبــابها “ منّـك زعــــل
حكم ربّي نفتـــرق ؛ ولله في حكمـــه شئــــوون
لا اعتراض .. لا اعتراض يا خالقي ؛ عزّ و جَل
وهاذي هي قصة ( دفى ) وسط الشتا جاني حنون
لمّا صقيع البرد ؛ باحساسك ؛ على احساسي انهمل
